Извлечено тело на Кинез кој падна при изградба на мост во Дунав
На градилиште на мост во Нови Сад загина кинески работник околу 9 часот и 19 минути. Вработен во кинеска компанија кој бил задолжен за безбедноста на градилиштето ја известил полицијата дека Ј.П.П.(20) се лизнал и паднал во оградена шахта полна со вода, каде требало да се подигне столб од мост и дека не испливал.
Непосредно пред тој повик, полицијата добила повик и од градилиште од работник од Кина кој бил сведок на несреќата.
На терен веднаш се испратени полициски патроли и пожарникари. Припадниците на нуркачкиот тим на полицијата го извлекле телото во 13 часот и 52 минути, пишува Телеграф.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
