Камион експлодираше во предградие на Чикаго, оштетени четири домови

Едно лице е повредено, а четири домови се оштетени откако мал пикап експлодираше во американскиот град Адисон, предградие на Чикаго, во сабота наутро.

Експлозијата расфрла остатоци, облека и мебел по патот и пред куќите.

Според локалните власти, дел од пикапот удрил во носечкиот ѕид на една куќа, што ја прави куќата моментално небезбедна за живеење.

Причината за експлозијата било протекување на резервоарот за пропан на задниот дел од камионот, објавија локалните медиуми. Возачот на камионот е однесен во болница, а повредите што ги здобил не се опасни по живот.