Кон: Коронавирусот „ги проби бариерите“, стана невозможно да се следат сите контакти

Епидемиологот Предраг Кон изјави денес дека коронавирусот „ги пробил бариерите“ во Србија и дека станал невозможно да се следат сите контакти, поради што е „оставено на совеста да му каже на секој што имал контакт со заразено лице да ја следи својата здравствена состојба и ако се појават симптомите веднаш да пријави.

Кон за телевизија Хепи изјави дека порано, со контакти позитивни на коронавирус им биле дадени решенија за самоизолација а дека во вонредна состојба биле следени од полицијат за да се види дали ги почитуваат тие решенија, но дека тоа не било повеќе можно.

„Станува невозможно, бариерата е пробиена“, рече Кон, додавајќи дека има и други проблеми со самоизолација, затоа што тоа значи дека лицето не може да работи одредено време а нема документи што го потврдуваат тоа за работодавачот.

Кон изјави дека здравствениот систем во Србија не е „пред пукање“, туку дека ќе беше ако немаше ковид клиники и постојано формирање на нови ковид болници.

Тој рече дека имало случаи кога еден пациент двапати се заразил со коронавирус, но дека тоа биле исклучително ретки случаи.

Според него, во борбата против епидемијата на вирусот корона, потребна е „тотална упорност“ при примена на превентивни мерки, одржување на физичко растојание, носење маски и чести миење на рацете.

„Тоталната упорност во сето ова не е лесна, но многу е полесно отколку што можат да бидат последиците“, рече Кон.