Крадел во верски објект - Македонската полиција го фати

Во Гостивар вчера во 14.30 часот полициски службеници од ОВР Гостивар го лишиле од слобода Г.П.(25) од Република Албанија, соопштија денеска од МВР.

Тој е осомничен дека претходно во верски објект во Гостивар одзел мобилен телефон и пари од Б.Т.(29), од гостиварското село Долна Бањица. Одземеното било пронајдено и вратено на сопственикот, а Г.П. бил задржан во полициска станица.

По целосно документирање на случајот, против него ќе биде поднесена соодветна пријава.