Крис Браун се соочува со нов скандал, музичарка го тужи за силување

Неименувана жена го обвинува раперот Крис Браун дека ја дрогирал и силувал на јахта на Флорида во 2020 година и бара отштета од 20 милиони долари од пејачот добитник на „Греми“.

Тужбата ја поднесе неидентификувана професионална танчарка и музичарка, која во правните документи е именувана под псевдонимот Џејн До.

Нападот наводно се случил на јахта во декември 2020 година во Мајами, Флорида.

Во граѓанската тужба се наведува дека таа била поканета од Браун да се сретне со него на островот Стар, Флорида, во домот на раперот Шон Комбс. Кога пристигнала, се качила на јахта и ја прифатила понудата на Браун за пијалак додека разговарале за нејзината кариера.

По вториот пијалак, жената наеднаш почнала да се чувствува дезориентирано и физички нестабилно, се наведува во тужбата. Наводната жртва тврди дека Браун ја одвлекол во спалната соба, ѝ ги соблекол бикините и имал секс со неа без нејзина согласност.

На својот инстаграм-профил Браун напиша: „Се надевам дека го препознавате овој шаблон. Секогаш кога објавувам музика или нов проект, тие измислуваат приказни. Тој додаде емотикон сина капа, што се користи како сленг за лаги.

Медиуите потсетуваат дека пред една деценија Браун беше притворен откога брутално ја претепа пејачката Ријана. Инцидентот бргу стигна на насловните страници на светските медиуми, каде што беше објавена фотографија од нејзиното помодрено лице. На судењето тој се изјасни за виновен за физички напад врз Ријана, со која беше во врска во 2009 година.