Ливерпул тргнува во лов на Серж Гнабри
Садио Мане се пресели во Баерн Минхен, но Ливерпул би можел да му се одмазди на германскиот првак со трансферот на Серж Гнабри. Германскиот репрезентативец има уште една година од договорот со Баерн, а преговорите за продолжување на соработката не одат во посакувана насока.
Иако Ливерпул го доведе Дарвин Нуњез, кој се предвидува дека ќе биде стартер на местото на Садио Мане, клубот го напуштија и Минамино и Дивок Ориги, па Јирген Клоп сепак нема многу решенија за напаѓачката ротација.
Згора на ова, Мохамед Салах сè уште не се согласува на нов договор, па можно е дури и да замине од „Енфилд“ до крајот на летото.
Гнабри игра на десната крилна позиција, а за Баерн одигра 171 натпревар, постигна 64 гола и забележа 40 асистенции.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
