Масакр во Канада: Tинејџер ја застрела мајка си, уби двајца полицајци, па се самоуби

Тинејџер (16) пукал во мајка си и убил двајца полицајци пред да се самоубие во Едмонтон, Канада, соопштија локалните власти.

Полициски функционер и висок владин функционер изјавија дека мажoт пукал и ја ранил неговата мајка во стан во градот Алберта. Двајца патролни службеници биле убиени при доаѓањето на местото на настанот околу 12.47 часот, пишува Гардијан.

Началникот на полицијата во Едмонтон, Дејл Мекфи рече дека осомничениот се застрелал себеси.

Жената е пренесена во болница со повреди опасни по живот, каде и понатаму е во тешка, но стабилна состојба.

Мекфи ги идентификуваше починатите полицајци како Тревис Џордан (35), кој беше во силите на Едмонтон осум и пол години, и Брет Рајан (30), офицер пет и пол години.

„Не можам да ви кажам колку сме уништени што ги изгубивме“, рече Мекфи.

Рајан беше опишан како столб на заедницата и долгогодишен хокеарски судија во младинската лига.

Дарси Картер, од Здружението за хокеарски малолетни лица Спреус Гроув, рече дека полицаецот и неговата сопруга чекале дете.

Рајан бил болничар пред да стане полицаец и бил страстен за својата работа во спроведување на законот, рече Картер.

„Тоа е нешто што никогаш нема да го заборавам… неговото лице блескаше кога тој говореше за својата работа“.

Канадскиот премиер Џастин Трудо упати на Твитер сочувство и поддршка до најблиските и колегите на полицајците.