Мицкоски до Спасовски: Во 11 навечер во Драчево му дадовте пасош на Седат Пекер - Тошковски ќе одговара ако не одговарате вие

Премиерот Мицкоски вели дека ќе бара одговорност од Тошковски ако не го гони криминалот кој го правеле министрите од претходната Влада. Тој одговарајќи на пратеничко прашање на екс минситерот за внатрешни работи, Оливер Спасовски, рече дека еден од случаите за кои очекува разврска е и делењето на пасоши на нарко картели и криминалци.

Бидејќи го споменавте Панче Тошковски, ќе барам одговорност за тоа што сте го правеле, тогаш ќе барам одговорност. Сега да зборуваме за работи кои немаат никаква врска со енергетиката, ниту со рударството. Ниту со минералните суровини. Знаевте кои фирми носат јаглен во РЕК Битола и Осломеј. Знаевте? Знаевте кои носеа транспортни траки во РЕК Битола. Требало како МВР да го истражите тоа, бидејќи стигаа информации до вас, стигаше гласот, ние како опозиција зборувавме. Еве два реда позади вас еден поранешен ваш член од вашата влада ќе ви каже, за работи кои немаат никаква врска. Тоа била ваша работа, се надевам дека повторно никогаш нема да ви биде бидејќи тоа што таму го направивте е полошо и од најголемиот дебакл, кои што и се случи на Македонија. Ако вие сте постапувале, место да дават пасоши на светски нарко картели и лидери на такви нарко картели, и сте се фокусирале на тоа што ви е работа да истражите, зошто преку програмата за ФИТР се спонзорираа иновативни методи за креирање пица, вода за пиење, слично, кои носи јаглен, како се носи јагленот, кои врши ископ, како се врши ископ, зошто се плаќа вака, зошто ЕЛЕМ има најмногу договори во четири очи, тогаш ќе ви станело јасно, зошто денес имате 18 пратеника, а на следните избори, прашање е дали ќе имате двоцифрен број на пратеници, ако вака продолжите. Ваша работа била господине Спасовски да утврдите зошто фирми враќале данок на додадена вредност, пријавувајќи лажна консигнација, а празни магацини. Ваша работа било тоа господине Спасовски, не била моја. Ние како опозиција сме зборувале, немојте ова да го правите, немојте господине Спасовски, еве допрел до вас гласот, истражете, вие не сте го работеле тоа. Тоа е господине Спасовски ваша работа. Ќе ви дојде господинот Пекер, да му кажете не благодарам, а не лична карта да му вадите во 11 часот навечер во Драчево. И оние службеници таму кои што преземаат дело заради вас, по две три години што беа во затвор за патни исправи на српски кланови и на македонски кланови, кои што се занимаваат со криминал и корупција. Вие господине Спасовски треба да одговарате за тоа. И ако за тоа нема одговорност, тогаш да ќе барам одговорност. Тоа е работата господине Спасовски за која вие треба да се грижите. Кој каква имал самосвест, што имал самосвест, јас ви кажувам и ви гарантирам и ви потпишувам, дека Сања Божиновска е многу поголема Македонка од вас сите заедно. Запишете го ова. Јас ова ви го кажувам и ви потпишувам да знаете. Заедно седиме тука се бориме и Македонци и Албанци и левичари и десничари, заедно сме во иста влада и работиме за еден интерес, за една кауза, тоа се вика Македонија. И ќе продолжиме да се бориме, нема да застанеме“, кажа премиерот Мицкоски.