МНР: На 12 септември тројца руски дипломати беа прогласени за persona non grata

На 12ти септември, во Министерството за надворешни работи беше повикан Амбасадорот на Руската Федерација кому му беше врачена дипломатска нота, со која тројца дипломати во Амбасадата на Руската Федерација во Скопје беа прогласени како непожелни во државата (persona non grata), известија од Министерството за надворешни работи преку писмено соопштение испратено до медиумите.

-Ваквата одлука е донесена по информациите добиени од надлежните органи за превземени активности кои се во спротивност со Виенската конвенција за дипломатски односи, појаснија од ресорното министерство.

На ова реагираше и Русија преку портпаролката Марија Захарова, која рече дека протерувањето на руските дипломати од Македонија немало да помине без одговор.