Муцунски: Повеќе од 1000 причини СДСМ да замине од власт и ниту една за да остане

Има повеќе од 1000 причини СДСМ да замине од власт и ниту една за да остане, пишува градоначалникот на општина Аеродром Тимчо Муцунски на социјалните мрежи.

„На само четири месеци до крајот на нивниот мандат и заминувањето во опозиција, се потсетуваме на проектите кои ги ветуваа пред аеродромци во 2020 година. Мандат исполнет со лажни ветувања, недомаќинско и расипничко работење од кое последиците ги трпи државата и сите ние – граѓаните.

Ниту еден од ветените проекти кој се однесува на Аеродром, досега не е реализиран. Напротив, изминатите две години секојдневно, со сите сили и расположливи механизми, без никаква грижа на совест, ги кочат и опструираат капиталните и инфраструктурни инвестиции.“- пишува Муцунски на социјалните мрежи.

Реакцијата на Муцунски следи откако владејачката СДСМ го обвини дека во својот мандат не ги реализирал проектите што ги ветил пред изборите.