Неколку скопски улици денеска ќе останат без вода
Без вода денеска од 9 часот ќе бидат дел од корисниците на улиците „Крагуевска“, „Беджих Сметана“ и „Драган Ѓаковски-Шпато“ во општина Карпош.
Како што информира ЈП „Водовод и канализација“ – Скопје, прекинот е поради водоводен приклучок Ф - 100 милиметри на улица „Крагуевска“ бр. 9. Водоснабдувањето ќе биде прекинато до завршување со работните активности.
Без вода денеска од 9 часот ќе останат и корисниците од улицата „Франклин Рузвелт“, лоцирани на потеготот од улицата „Орце Николов“ до бул. „Партизански одреди“ во општина Центар.
Прекинот е поради санирање дефект на улица „Франклин Рузвелт“ бр. 60 во населба Центар. Жителите ќе бидат без вода до санирање на дефектот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
