МОНСТРУМ: 6 доживотни - сите страни незадоволни

За шестмина обвинети доживотен затвор ,  а  еден  е ослободен од обвинение.   Најстроги  казни беа пресудени  за обвинетите од судскиот процес Монструм. 

Виновни се за тероризам,  бидејќи  извршиле ликвидација на петмината македонци  во 2012 кај Смилковско езеро,  со цел да влеат страв меѓу населението,  пресуди Кривичен суд. 

За  единствениот ослободен-автомеханичарот Сејди Рами, кој беше обвинет за силна логистика на останатите, немало цврсти докази, вели судијата. 

Рами со воздишки и солзи ја прими пресудата. Останатите разочарани,  но смирено ја прифатија одлуката.

Судската сала беше преполна.    Судијата  дваесеттина минути ја образложуваше пресудата потсетувајќи  како поминале 40те рочишта, нагласувајќи ги клучните докази и сведоци.

Роднините  на момчињата  се задоволни од висината на казните, но  се сомневаат дека имало други нарачатели.

Роднините на обвинетите се револтирани од строгите казни.

Адвокатите велат, ова не е конечна одлука, ќе се жалат во повисокиот суд.

Алил Демири и Африм Исмаиловиќ не ја слушнаа пресудата во Кривичен. За нелегално тргување со оружје ,  одлежуваат затвор во Косово.  Кога ќе излезат од приштинските судски лавиринти и ќе одговараат пред македонска правда е неизвесно.

Сејди Рами по две години во притвор,   излегува на слобода , а останатите  продолжуваат со притворот до правосилност на пресудата.  Таму поминаа 26 месеци , откако беа уапсени. 

ПОВРЗАНИ ВЕСТИ

ВИДЕО: Солзи во судницата - реакцијата на обвинетите во Монструм кога ја слушнаа пресудата