Избувна голем пожар во Криволак - пожарникарите стравуваат од експлозии

Претпладнево избувнал пожар во непосредна близина на воениот полигон Криволак и приватното ловиште Патрик, пишува Канал 5.

Командирот на штипската противпожарна единица, Кирчо Патраклиски за Канал 5 изјавил дека станува збор за опожарена ниско стеблеста шума и суви смреки. Тие, вели Патраклиски, се на помалку од метар растојание до напуштената бетонска патека што води кон А-БЕ-ХА воениот вежбовен комплкес на Криволак.

Штипските пожарникари веднаш интервенирале, а подоцна  и екипи на Јавното претпријатие Македонски шуми и Дирекцијата за заштита и спасување. Пожарникарите се претпазливи при гаснењето на огнот, бидејќи постои опасност пламените јазици да дојдат до заостанати експлозивни средства и да ги активираат, објаснич Патраклиски за Канал 5. Тој очекува пожарот да биде локализиран до крајот на денот. Сеуште нема информации колкава е опожарената површина.

И неготинските пожарникари се подготвени да им помогнат на штипските колеги, пишува Канал 5.

Извор: Канал 5