Викендов крадците направиле „парче"

Во Скопје на улицата „Душко Поповиќ“ во куќата на 50-годишниот Х.Х. засега непознат сторител со употреба на подесен предмет и сила извршил тешка кражба при што одзел 3.700 евра, златен накит и лични документи, со што се стекнал со 518.000 денари. 

Исто така, во Скопје на улицата „Владимир Комаров“ во станот на 53-годишниот Б.К. непознат сторител со употреба на подесен предмет извршил тешка кражба при што одзел разновиден златен накит, пиштол „ЧЗ-75Б“ кал. 9 мм и лап топ компјутер, со што се стекнал со противправна имотна корист од 235.000 денари.