Ново место за спорт и рекреација - две игралишта ќе никнат во Кавадарци
Заврши изградбата на две спортски игралишта во Кавадарци, со пари од локалниот буџет, информираат денеска од Службата за односи со јавноста на Општина Кавадарци.
- Станува збор за спортски терени со идентични димензии 30 на 15 метри и секое со површина од 450 метри квадратни. Едно од игралиштата се наоѓа во дворот на подрачното училиште во Глишиќ со намена за одржување настава по физичко воспитување, а во термините без настава тоа е на располагање на жителите од тој дел на градот за спорт и рекреација. Вториот спортски терен се наоѓа на просторот зад зградите „Лепотици“ во новиот центар каде пред неколку месеци општината заедно со сопствениците ги отстрани диво поставените лимени гаражи. Овој терен е наменет за рекреација и спортски активност на граѓаните од тој дел на Кавадарци, соопштија од Службата.
Вкупната инвестиција на двете игралишта изнесува 1.600.000 денари.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
