ВИДЕО: Манчестер Јунајтед тешко посрамотен: ван Гал во шок!

Фудбалерите на Манчестер Јунајтед изгубија 4:0 од фудбалерите на МК Донс, чија вредност е 20 пати помала од тие што Луи ван Гал ги испрати на теренот. Составот на Јунајтед што ќе биде запишан во "црните анали" е: 

Де Геа, М. Кин, Еванс, Вермил, Џејмс, Пауел, Џанко, Андерсон, Хернандес, Кагава и Велбек.

Јунак на утакмицата беше Вилијам Григ кој постигна два погодоци.

Холанскиот тренер не стигна до победата во службени мечеви ни по третата утакмица откако седна на клупата на англискиот великан.

Ван Гал има старт од најлошите ноќни мори, наместо победи Холанѓанецот бележи бламажи, а се до неодамна некои го прогласуваа за спасител. Еуфоријата на Олд Трафорд кратко траеше. Уште еднаш се покажа дека пријателските утакмици се едно, а натпреварувачките нешто сосема друго. На ван Гал му претстои напорна работа, а големо прашање е дали успешно ќе ја изврши.