Дарко Станиќ заминува од Металург?

Порталот Точка повикувајќи се на неофицијални сигурни извори објави дека Дарко Станиќ, еден од најдобрите европски ракометни голмани ќе го напушти актуелниот шампион Металург и ќе замине од Македонија.

- Според изворот причината поради која Станиќ заминува од Металург е моменталната ситуација во која се наоѓа ракометниот клуб, која од блискиот извор е опишана со зборовите - ништо не се знае! Инспирирани од овие изјави решивме лично да го контактираме Станиќ и да го запрашаме дали се точни шпекулациите за неговото заминување од Металург. “Во овој момент не сакам ништо да коментирам, а за тоа дали ќе останам во Македонија или ќе си одам ќе се знае за неколку дена“, бил одговорот на Станиќ.