Америка против Литванија во првото полуфинале на Мундобаскетот
Кошаркарите на САД изборија пласман во полуфиналето на Светското првенство во кошарка откако синоќа во Барселона во второто четвртфинале ја победија Словенија со 119:76. На полувремето светските прваци (САД) имаа водство од 49:42, а вториот дел го решија во своја корист со 70:34.
Кај Американците најефикасен беше Клеј Томсон со 20 поени (4 тројки), додека Кенет Фарид (14 поени и 10 скокови) и Ентони Дејвис (13 поени и 11 скокови) имаа „дабл-дабл“ учинок.
Во првиот четвртфинален дуел Литванија ја победи Турција со 73:61.
Полуфиналето меѓу САД и Литванија ќе се одигра во четврток во Барселона.
Денеска во Мадрид се играат другите два четвртфинални натпревари. Од 18 часот играат Србија – Бразил, а од 22 часот е дуелот на европскиот шампион Франција против домаќинот Шпанија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
