Роналдо бара 500.000 фунти неделна плата!
Според британскиот весник „Меил“ Челзи и Манчестер Јунајтед се заинтересирани за Кристијано Роналдо, кои следното лето ќе се обидат да го донесат во своите редови.
Наводно најдобриот фудбалер во светот во моментов изразил желба да замине од Реал Мадрид, односно посакува нови предизвици, но неговиот потпис воопшто не е евтин.
Како што објави овој британски весник, Челзи или Манчестер Јунајтед ќе мора да обезбедат богатство доколку сакаат да ги добијат услугите на Португалецот.
Од весникот велат дека тој за неговиот потпис бара неделна плата од 500.000 фунти, односно дури 24 милиони фунти годишно. Доколку дојде до евентуален договор, тогаш Роналдо ќе ги сруши сите рекорди во Премиер лигата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
