Семејство од Куманово пресреќно - ќе си вози нов автомобил

Нема поубаво од добивка која изненадува. Ова сигурно го чувствува семејството на нашиот најнов среќен добитник.

 Автомобилот Рено Твинго е најновата добивка во Инстант игрите на среќа на Државна лотарија на Македонија, а нашиот најнов среќен добитник е од Куманово. Драган Арсовски купил два Инстант лоза Твингоманија 2 како изненадување за сопругата. Дома ги гребеле заедно, не очекувајќи дека некој од нив може да донесе добивка. Едниот од Твингоманија Инстант лозовите,на 3 полиња од шестте вкупно го имал заштитниот знак на брендот Рено, што е насока дека следи автомобилот како добивка. Денес прекрасната водителка Марјана пред салонот на Рено во Скопје им ги предаде клучевите, посакувајќи им среќа додека со задоволство се возат со  новиот автомобил Рено Твинго Тренд.

 Само за потсетување, со лозот ТВИНГОМАНИЈА 2 Државна лотарија на Македонија на играчите на Инстант лотаријата им овозможува на лесен, забавен и евтин начин да дојдат до 1 од 40те атрактивни автомобили РЕНО ТВИНГО ТРЕНД или до бројни парични добивки од 500.000 до 40,00 денари.  Лозот е со цена од 40,00 денари, а беше пуштен во продажба на 30 јуни 2012а. Првиот добитник на автомобил Твинго Тренд го добивме уште на првиот ден на продажбата, на самата промоција. Забавата и добивките од новата серија инстант лозови под името ТВИНГОМАНИЈА се организираат во соработка со автомобилската куќа Аутомотив Груп – како официјален застапник на реномираниот бренд Рено, со кои се обезбедени вкупно  40 автомобили. Учесникот го дознава резултатот кога ќе го отстрани заштитниот слој од полето за игра. Лозот е добитен, ако на  три различни полиња од вкупно 6 (шест) полиња е отпечатен заштитниот знак на брендот Рено или на три различни полиња од 6 (шест) полиња е отпечатен ист износ. Твингоманија 2  досега пријатно да изненади многу добитници меѓу кои се  вкупно 19 лица кои ќе ги возат овие прекрасни автомобили. Четири Твинго Тренд ќе се возат низ Скопје, три во Струмица, три во Битола, два во Куманово,   а по еден автомобил Рено Твинго се вози низ улиците во Кичево, Тетово, Охрид, Прилеп, Пробиштип, и Гостивар. Во игра се уште 21 автомобили, како и бројни помали и поголеми парични добивки.