Значителен раст на извозот и градежништвото со Буџетот за 2015

На денешната Комисија за финансирање и буџет на која се разгледува предлод буџетот за 2015 година свое видување даде пратеничката од редовите на ВМРО-ДПМНЕ, Лилјана Кузнамновска која нагласи дека станува збор за еден развоен буџет кој ќе ја движи економијата во позитивен правец.

Таа потенцираше дека македонската економија е тесно поврзана со економиите од европските држави и дека ако се земе во предвид бавното движење на европските економии и истите се споредат со македонската, ќе се забележи од досегашните податоци од 2014 година дека Македонија успева да го задржи позитивниот тренд во областа во економијата.

- Можам да кажам дека основните компоненти кои го сочинуваат Бруто домашниот производ, економскиот раст на една држава го покажуваат, односно тоа се странските директни инвестиции, тоа е градежништвото, тоа е извозот и потрошувачката имаат позитивни економски показатели и тоа е реална основа за креирање на Буџетот за 2015 година, посочи Кузмановска.

Инвестициите во капиталните расходи од 21 милијарда денари само ја потврдуваат заложбата на оваа Влада за нови капитални инвестиции пред се во инфраструктурата.

Иако инвестициите во инфраструктурата се едни од позначајните, како што додаде таа со предвидувањата во овој Буџет, капиталните инвестиции кои се однесуваат со изградба и реконструкција на средни училишта, основни училишта, спортски сали и други образовни проекти исто така заземаат значаен дел од новиот Буџет на Република Македонија за 2015 година.