Седмо коло во англиската Премиер лигата

Во англиската фудбалска Премиер лига денеска и утре на програмата се натпреварите од 7.коло.

Денеска од 16 часот ќе започнат натпреварите: Хал Сити - Кристал Палас, Лестер – Барнли, Ливерпул - Вест Бромвич Албион, Сандерленд – Стоук и Свонси– Њукасл, додека натпреварот Астон Вила - Манчестер Сити ќе започне од 18 часот и 30 минути.

Од утрешните четири натпревари го издвојуваме лондонското дерби меѓу Челзи и Арсенал кое ќе започне од 15 часот и 5 минути, како и натпреварот Тотенхем – Саутемптон.

Неделното англиско фудбалско попладне ќе го отворат Манчестер Јунајтед – Евертон од 13 часот, а во последниот меч од 17:15 часот ќе играат Вест Хем - Квинс Парк Ренџерс.

Табела: Челзи 16 бодови, Саутемптон 13, Манчестер Сити 11, Арсенал 10, Свонси 10, Астон Вила 10...