Ништо од трансферот во Вардар- голманот Станиќ го напушта Скопје

Дарко Станиќ по раскинувањето на договорот со Металург е без професионален ангажман, а голманот изјави дека го напушта Скопје со сите свои работи. Шпекулациите дека преминува во Вардар се покажаа како невистинити.

-Се пакувам, го напуштам Скопје, овој пат со сите мои работи, изјави Станиќ за „Спортски Журнал“, а потоа додава:

-Се уште не сум пронашол клуб каде би ја продолжил кариерата, а тоа сега не е толку едноставно со оглед дека е октомври и дека немам право да играм во Лигата на шампионите. Клубовите кои мене ми се интересни, во овој момент не можат да ме ангажираат, вели Станиќ.