Крадец „оперира“ кај МВР, крши и ограбува автомобили
Машко лице крши и ограбува автомобили на улицата „50-та Дивизија“ во близина на Министерството за внатрешни работи.
Попладнево околу 15:30 часот Т.И. во полиција пријавил дека неговиот автомобил „Шкода Октавија“ е со искршени стакла, а од возилото недостасуваат предмети.
Автомобилот на пријавителот бил паркиран во гаражата на една од зградите кои се наоѓаат на оваа улица. Крадецот го скршил едното стакло на автомобилот и истиот го ограбил. Во гаражата со скршено стакло завршил уште еден автомобил, но од истиот најверојатно не е ништо украдено.
Полицијата во моментов извршува увид и се утврдува што точно е украдено од „Шкодата“.
Слични пријави имало и изминативе дена во околните згради. Најголем дел од кражбите на автомобили се случувале во гаражните простории на зградите.
Од полицијата велат дека се превземаат мерки за пронаоѓање на лицето и целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
