Од 1. јануари ќе се отпишуваат долговите на социјално загрозените граѓани

Хрватскиот министер за финансии Борис Лаловац најави дека од 1 јануари 2015 година ќе почне отпис на договите на социјално загрозените граѓани и ќе се воведе забрана за иселување од домовите поради неплатени сметки.

Тој наведе дека мерките ќе важат за граѓаните кои немаат имот и чии сметки се блокирани повеќе години, не се вработени и живеат од социјална помош.

Лаловац посочи дека државата и државните компании се договориле да отпишуваат долгови до 25.000 куни (3.265 евра), а банките и телекомуникациските компании до 10.000 куни (1.306 евра).

Нема точни податоци колкав е бројот на лицата кои ќе бидат опфатени со мерките, но се претпоставува дека се околу 60.000.