Трагедија во Црна Гора

Во црногорското село Велика Горана, во близина на Бар, се случила незапамтена трагедија. Аџија Никезиќ (80) со ловечка пушка го убил Адем Скуриќ (73), татко на својата снаа, а потоа е пронајден во многу тешка состојба.

Покрај него било најдено шише со, како што се претпоставува, отровна течност.

Се претпоставува дека се обидел да изврши самоубиство така што ја испил оваа течност во својата куќа, каде во петокот по трагедијата се забарикадирал.

Мештаните за двајцата велат дека биле мирни луѓе, но дека се знаело дека меѓу нив двајца подолго време постои некоја нетрпеливост.