Хрват го подари целото богатство: Живееше по хотели со седум ѕвездички , а сега во сламена колиба

Во  денешно време во светот сите се натпреваруваат за моќ и пари. 38-годишниот Никола Бориќ е исклучок: Тој ја напуштил светската кариера и неговот големо богатство, па од луксузниот свет  дошол да живее во мала куќичка на карјот од селото Кокачак и цел среќен поради таквиот живот.Тој има завршено  кинезиолошки факултетет.

  „После завршувањето на студиите се занимавав со триатлон, бев репрезентативец на Хрватска осум години. После тоа бев тренер, тренирав многу Хрвати, а подоцна заминав и надвор, да работам како тренер и да тренирам спортисти од 20 различни спортови. Со Стјепан Божиќ работев шест години и со него освоив светска титула, а со Ана Сршен две среба во Сиднеј и Атина. Во Хрватска создадов прваци во 30 различни спортови. Потоа почнав да работам за еден американски менаџер и заминав на работа во Мароко, со победникот на 1.500 метри во Дијамантската атлетска лига. Работев и со повеќе од 100 Етиопјани, со Кенијци кои се победници на маратоните во Њујорк и Париз, Дубаи, Лондон. После тоа работев и за турската и азербејџанската атлетска репрезентација“, ја почнува својата богата животна приказна Никола.

Но, најинтересно е  тоа што во  периодот кога работеше интензивно со својата струка, тој живееше во хотели со 7 ѕвезди, ги прошета сите континенти и живееше на „висока нога“, во луксуз и стил. Сепак, тоа не беше она кое го посакуваше неговото срце. Тој сакал духовен и животен мир. Поради тоа, сето претходно стекнато и постигнато го остави зад себе, својата неколку милиони вредна компанија во Кина му ја подари на свој пријател за роденден и тргна во потрага по своето мирно место под сонцето. Осум години бараше идеална локација по цел свет, за да ја најде кај Кокочак, близу градот Ораховице, Хрватска.