Крвав инцидент во трговскиот центар Мавровка

Околу 18 часот и 30 минути во Скопје, поточно во Трговски центар Мавровка, три засега непознати насилници физички ги нападнале 18-годишните М.Н. и С.И. и 23-годишниот Б.М. сите од Арачиново, како и 21-годишниот Ј.Љ. од Скопје. Според податоците од полицијата, насилниците со остар предмет им нанеле убодни рани. Повредените момчиња биле веднаш пренесени во болницата “Св. Наум Охридски” при што на Б.М. му е констатирана тешка телесна повреда, додека на другите три лица им се констатирани телесни повреди.

Полицијата работи на расчистување на настанот.