Тина Мазе победи во суперкомбинација во Бивер Крик
Словенката Тина Мазе го освои златниот медал во дисциплината суперкомбинација на Светското првенство во алпско скијање што се одржува во САД.
За Мазе ова беше второ злато во Бивер Крик и вкупно трет медал (има и еден сребрен).
Словенечката скијачка беше најбрза во спустот, а предноста од првата трка успеа да ја зачува во техничката дисциплина – слаломот и на крајот со време 2:33.37 минути да триумфира пред две Австријки.
Сребрениот медал отиде кај Никол Хосп со 22 стотинки заостанување, а трета беше Михаела Кирхгасер која 35 стотинки беше побавна од победничката.
Домашната публика беше разочарана, откако миленичката Линдзи Вон направи грешка и не го заврши слаломот.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
