ФОТО: Пијан охриѓанец со пиштол шетал среде улица
СВР Охрид поднесе кривична пријава против 47-годишниот охриѓанец Г.Ч. на кого му е одредена мерка притвор во траење од 30 дена.
На осми месецов, по полноќ, кај Г.Ч. било пронајдено огнено оружје пиштол марка „Берета“ и оквир со 10 куршуми што во футрола го имал на појас од десната страна. Сега притворениот Г.Ч. е забележан на булеварот „Македонски просветители“ во близина на градскиот плоштад. Kај него, по дополнително извршеното алко-тестирање утврдени се 2,22 промили алкохол во крвта.
При претрес извршен во неговиот дом, а во присуство на адвокат, полициските службеници пронајдоа една рачна бомба како и вкупно 309 парчиња муниција различен калибар, дел сокриена во пластични и кутии од мобилен телефон а дел облепени со селотејп лента.
Пиштолот, рачната бомба и муницијата се одземени и се предадени на вештачење во Министерството за внатрешни работи во Скопје.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа