Црна Гора усвои казна до 10 години затвор за учество во борби во странство
Црногорскиот парламент синоќа усвои уставни амандмани според кои до 10 години затвор може да добијат граѓаните на Црна Гора, кои учествуваат во воени дејствија во стренство или кои организираат заминување на платеници за учество во воени активности во странство, јави ТАСС.
Казна од две до 10 години затвор е предвидена за членови на воени или паравоени формации во странство, како и за оние што врбуваат, подготвуваат, финансираат или помагаат заминување од Црна Гора во борби во странство.
Слично законодавство меѓу земјите од поранешна Југославија веќе усвои Македонија, Србија, Босна и Херцеговина, како и Косово.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
