Во новата индустриска зона во Виница ќе се вработат 400 лица
Гордост на Виница е новата индустриска зона со комплетна инфраструктура во која досега се продадени 11 парцели, од кои на 7 веќе се градат стопански капацитети и во наредните години ќе се вработат околу 400 луѓе. Ова го истакна градоначалникот Емил Дончев, на вчерашната трибина на ВМРО-ДПМНЕ во Виница, кој даде отчет за сработеното во општината во изминатата година.
-Оваа инвестиција локалната самоуправа ја чинеше 600 илјади евра, при што општината е подготвена за прширување на оваа индустриска зона годинава да вложи дополнителни 200 илјади евра, рече Дончев.
Прецизира дека е изградена атмосферска канализација, 4.700 метри водоводна мрежа, реконструкција на водоводот во село Блатец, а во реконструкција на детските градинки во селата Истибање и Лески се инвестирани 150 илјади евра.
-За комунална инфраструктура во неколку населени места во Виница се инвестирани 100 илјади евра, а во село Истибање е изграден и дневен центар за стари лица, потенцира Дончев.
Првиот човек на Виница потенцираше дека во моментов се во тек повеќе проекти.
-Продолжува изградбата на реконструкција на водоводна и канализациона мрежа во повеќе населени места. Се гради технолошко- индустриска развојна зона, а во јуни ќе отпочне и уредувањто на влезот во Виница, подвлече Дончев.
Најави и дека продолжува уредувањето на забавниот парк Виниленд.
-Во градот во моментов се градат повеќе домашни и странски стопански капацитети, се гради Трговски центар, а веќе следната година отпочнува изградбата на затворениот пазар. Со овие проекти ќе реализираме скоро 90 проценти од ветената Програма 2013/2017 година, но имаме и голем број проекти кои се надвор од програмата, кои веќе се реализирани и проекти кои ќе ги реализираме во наредниот период, додаде градоначалникот на Виница.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа