Деца раѓаат деца: 27 девојчиња во Македонија родиле бебе на 15 години

Во текот на минатата година во земјава 27 девојчиња на возраст под 15 години станале мајки. Како што покажуваат најновите податоци на Државниот завод за статистика, минатата година имало 1.165 родилки на возраст од 15 до 19 години.

Најмногубројни се родилките на возраст од 25 до 29 години, а воедно во постојан пораст е бројот на родилки на возраст од 30 до 34 години.

 

Исто така, во текот на минатата година имало три случаи на живородени деца чии мајки имале над 50 години, покажуваат податоците на Статистика.