Од утре поевтинува струјата во Македонија

Минимално намалување на цената на струјата. Јулските сметки пониски за 0,33 проценти-  што значи, сметките од 2000 денари, ќе бидат поевтини за 6,6 денари, а кај оние од 2.500, - за  8,25 денари.  Ова е одлуката на Регулаторот – кој вели дека намалувањето се должи на пониските трошоци на енергетските компании. Новата цена ќе важи, од утре, па се до први јули  2016.

Од вкупната цена на струјата што ја плаќаат граѓаните, најмногу од колачот ќе добие  ЕЛЕМ  50,6 отсто,  па ЕВН 44,16, а најмалку преносниот систем МЕПСО, 5,24 проценти. На состанокот со регулаторот, компаниите имале забелешки на методологијата на пресметка на цената.  Со нејзе не се признаваат дел од трошоците кои биле важни за енрегтските компании.  

При утврдувањето на новата цена  признаени се  и трошоците за санирање на штетите  на  ЕВН и Мепсо  од хаваријиите  кои  се случија во текот на зимата, сега се чека компанијата да ги реазлизира сите инвестиции. Последен пат корекцја на цената на струјата беше направена пред точно една година. Тогаш поскапе за 3, 5 проценти.