Привршува изградбата на социјалните станови во Точила-Прилеп
Во завршна фаза се градежните активности околу изградбата на 76 – те социјални станови во населбата „Точила“
Површината на која се протега објектот е 3.220 метри квадратни, и е наменет за самохрани мајки, социјални семејства, многудетни семејства и лица со посебни потреби. Средствата за изградба на становите се обезбедени од Европската банка за поддршка и развој, Владата и Акционерското друштво за стопанисување со станбен и деловен простор.
Според градоначалникот на Прилеп, Марјан Ристески, со реализацијата на овој проект кој наскоро и официјално ќе биде ставен во употреба се отвора можност што повеќе прилепчани да го решат своето станбеното прашање. Распределбата на становите ќе ја врши Министерството за транспорт и врски по електронски пат.
Ова е дел од владината програма за изградба на станови за социјално ранливите категории зашто интенција на Владата е секое семејство да има можност да дојде до покрив над главата
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа