Полицијата влезе во Домот на велешанец - еве што откри
Секторот за внатрешни работи Велес во соработка со надлежното обвинителство поднесе кривична пријава против 41-годишниот Х.Б. од велешкото село Горно Оризари, осомничен дека сторил кривично дело „неовластено производство и пуштање во промет на наркотични дроги, психотропни супстанци и прекурсори“.
- По претходно добиени оперативни сознанија со наредба од надлежен суд во октомври извршен е претрес во домот на пријавениот во село Горно Оризари, каде во дворот од куќата пронајден е еден корен „канабис сатива“ (марихуана) со висина од 230см, информира Анита Стојковска, портпарол на СВР Велес.
Таа прециозира дека стеблото марихуана е одземено и е извршено вештачење во крим техника при МВР.
Инаку, пријавениот и претходно е пријавуван за вакви и слични кривични дела, за што му се изрекувани и затворски казни.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
