Голем пожар во Чаир: Седум лица повредени, меѓу нив три деца
Седум лица меѓу кои три деца се повредени во пожар кој околу 2 часот по полноќ избувнал во стан на улицата „Џон Кенеди“ во Скопје.
Сопственикот на станот, 31-годишниот Х.Ф. се здобил со изгореници од втор и трет степен на двете раце и лицето и е задржан во Ургентен центар-пластична хирургија.
Во пожарот се повредени и И.Ф.(66), Р.Ф.(35) и С.М.(20), кои се задржани во Ургентен центар-токсикологија, како и три деца на возраст 11, 7 и една година кои се задржани во Ургентен центар– педијатрија.
Пожарот е локализиран, а увидот кој треба да ги утврди причините за настанување на истиот, ќе се врши денес.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа