Страшна несреќа, повредени 26 лица: Се преврте автобус кај Крива Паланка

Уште една несреќа ја потресе Македонија. Утринава пет лица се тешко повредени, а 21 лице полесно, во сообраќајната несреќа што се случила при превртување на бугарски автобус на магистралниот пат Крива Паланка – Ранковце, кај селото Опила. 

 

За среќа, сите повредени патници се надвор од животна опасност и се пренесени на лекување во болницата во Крива Паланка.

 

Се претпоставува дека шоферот на автобусот ја изгубил контролата, по што се превртел и удрил во дрво. Во автобусот имало 43 патници.

Се работи на утврдување на причините.