МВР: Да не се креираат сценарија кои ја нарушуваат безбедноста
МВР денеска ги повика сите субјекти да се воздржат од креирање сценарија со кои, како што посочуваат оттаму, се добиваат ефтини политички поени, а на сметка на безбедноста и сигурноста на граѓаните.
- Злоупотребата на етничките и верските симболи што се случува деновиве може да има не само негативни политички и безбедносни импликации, туку и да ги поткопа процесите за фер, слободни и демократски избори, се вели во соопштението од МВР.
Оттаму посочуваат дека ги следат состојбите и оти нема да дозволат какви било ескалации или нарушувања на јавниот ред и мир.
- Воедно, апелираме до организаторите на овие случувања да имаат во предвид дека секое кршење на законите повлекува соодветни санкции, се вели во соопштението од Министерството за внатрешни работи.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа