Бојчин: Со новиот објект значително ќе се продолжи животниот век на пациентите со цистична фиброза

Предизвиците на пациентите со цистична фиброза во нашата земја, навистина беа многубројни. Ние се соочувавме со проблеми со немање на соодветен медицински кадар за да ги покрие сите аспекти на болеста, вклучувајќи пулмолози кои би биле инволвирани во тимот на лекари за третман на болните, физиотерапевти. Имаме се уште недостаток на медикаментозна терапија за дел од проблемите со кои се соочуваат проблемите, вели претседателката на Здружението за цистична фиброза Снежана Бојчин во изјава за ТВ Нова.

-Ова решение што се донесе да Центарот за цистична фиброза биде префрлен во новата Детска клиника Козле е една од најголемите решенија во однос на подобрување на третманот на болните со ЦФ. Сметаме како Здружение дека навистина со ваков објект за кратко време ќе бидеме сведоци на значително продолжување на животниот век на овие пациенти, вели Бојчин.

Таа изрази надеж дека лековите кои ги преложиле до ФЗОМ наскоро ќе се најдат на листата на позитивната листа на лекови.