Повторно одложена расправата за Извештајот на СЈО на Комисијата за политички систем

Седницата на Комисијата за политички систем и односи меѓу заедниците и денеска беше одложена поради неприсуството на специјалната обвинителка Катица Јанева. На дневен ред на Комисијата е Извештајот на Специјалното обвинителство.

Пратседателот на Комисијата Влатко Ѓорчев рече дека добил известување од Јанева дека таа нема да го образложи Извештајот за шестмесечната работа пред пратениците и оти поради тоа не се создадени деловнички услови за работа на Комисијата. Поради тоа седницата е одложена за утре.

Ова е трето одложување на Комисијата за политички систем. Мнозинството пратеници очекува Јанева да дојде и да го образложи пред нив Извештајот, додека опозицијата смета дека таа не мора да го образложи Извештајот пред парламентарците.

Опозициските пратеници и денеска реагираа гласно посочувајќи дека Јанева нема обврска до го образложи Извештајот за работата на специјалното обвинителство пред пратениците.