УХМР со вонредна временска прогноза

Под влијание на многу топла воздушна маса со потекло од Африканскиот континент во следните денови во нашата земја ќе се задржи стабилно, суво и многу топло време за овој период од нашата година, информираат од Управата за хидрометеоролошки работи.
 Најтопло ќе биде во недела и во првите два дена од наредната седмица кога максималните температури ќе бидат значително над просечните и ќе достигнат вредност од 25 до 32 степени.

Инаку, денеска ќе биде сончево, во западните делови со слаб до умерен ветер од југозападен, а во источните од јужен правец. Кон крајот на денот ќе има појава на умерена облачност.

Минималната температура ќе се движи од три до десет степени, а максималната од 23 до 28.

Во Скопје слично време со температура од шест до 26 степени.