Страшна сообраќајка во Куманово

Околу 20 часот и 45 минути синоќа во Куманово, на крстосницата од улиците „Самоил“ и „Братство единство“, се случила сообраќајна незгода во која возило „Џип Чироки“ со кумановски регистарски ознаки, управувано од 34-годишниот А.К. од Куманово удрило во велосипед „Херкулес“ управуван од 65-годишниот Ш.Р.

Според податоците од полицијата, во незгодата со тешки телесни повреди се здобил Ш.Р. кој по укажаната лекарска помош во Општа болница-Куманово бил препратен во Ургентен центар-Скопје.

Увид на местото на настанот извршила екипа од полицијата.