Нафтата поевтинува - во Македонија од вторник повисоки цени

Благ пад на цените забележа суровата нафта во текот на денешното тргување на светските берзи.
Американската нафта поевтини за 11 центи на 43,33 долари за барел, додека северноморската нафта од типот „брент“ која се увезува и во Македонија поевтини за 7 центи на 43,7 долари за барел.

Во текот на вчерашниот ден, европската нафта поевтини за 3,8%.

Во Македонија минатата недела малопродажната цена беше формирана врз основа на средната цена на нафтата која изнесуваше 43,6 долари за барел.  Ваков развој на настаните е поволен за возачите, но не може да гарантира намалување на цените во понеделник. Со оглед на високите цени во текот на претходната недела, за очекување е благ раст и на малопродажните цени во Македонија.