ВМРО-ДПМНЕ: Образованието било и ќе биде еден од врвните приоритети

 ВМРО-ДПМНЕ посветува сериозно внимание за унапредување на сите општествени сфери, особено на образованието, кое било и ќе биде еден од врвните приоритети, наведува ВМРО-ДПМНЕ во реакцијата на денешната изјава на Петар Атанасов од СДСМ.

Во писмената реакција ВМРО-ДПМНЕ посочува дека Буџетот наменет за образование во изминатите години е зголемен за повеќе од 72 проценти, изградени се 74 нови училишни објекти, повеќе од 400 се реконструирани и санирани, а изградени се и 55 училишни спортски сали. Како што истакнува ВМРО-ДПМНЕ веќе осум години се обезбедуваат бесплатни учебници за сите ученици во основните и средните училишта, бесплатен превоз има за учениците кои живеат на повеќе од 2,5 километри од училиштето, зголемени се платите на наставниците, трансформиран им е работниот однос на неопределено време на повеќе од 9.000 наставници, а во високото образование намалена е партиципацијата за студирање, зголемен е буџетот за стипендии, опремени се 80 современи лаборатии.... 

- Оваа наша политика за развој на националното образование и за поддршка на знаењето на граѓаните ќе продолжи и во периодот што следи. Македонија нема друг ресурс од кој повеќе зависи севкупниот општествено економски развој. Програмата која ќе ја понудиме на претстојните избори ќе биде најобемната досега и уверени сме дека по 10-ти пат ќе ја добие мнозинската поддршка од граѓаните, се вели во реакцијата. 

Интергрален текст на ВМРО ДПМНЕ