Ѓорчев: Германските политичари упатуваат пораки дека останува европската перспектива за Македонија
Посетата на Берлин е редовна меѓународна активност на партијата која со децении има континуирана соработка со Германија, вели за ТВ Нова пратеникот од ВМРО-ДПМНЕ Влатко Ѓорчев.
-Ние имаме постојана соработка со германските политичари, економисти и фондациите. Тие имаат отворена врата за Македонија. Упативме една порака за добра соработка. Германија е една од земјите кои постојано се залагаат за проширување на НАТО и ЕУ, во тој дел поддршката за Македонија е контиунирана, вели Ѓорчев.
Тој додава дека следните години, иако не треба да се очекува проширување за брзо време, вратата е отворена, односно, останува европската перспектива на Македонија.
-Она што го чувме од германските политичари е дека останува европската перспектива на Македонија за ЕУ и НАТО. Тоа е добра порака за Македонија, вели Ѓорчев.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
