Груевски тргна по Заев - ова се носителите на листите на најголемата предизборна коалиција
Лидерот на ВМРО-ДПМНЕ тргна по Зоран Заев. Бидејќи опозицискиот лидер, константно бега од изборен дуел Груевски на овие избори ќе ја бара довербата во четвртата изборна единица, дознава Press24 од официјални партиски извори во ВМРО-ДПМНЕ.
Според нашите информации, првата изборна единица на најголемата предизборна коалиција досега ќе ја предводи Никола Попоски. Во двојка, прв на листата ќе биде Никола Тодоров, а Димовски ќе ја води третата изборна единица. Во петката традиционално, останува Антонио Милошоски, додека во шестката носител на листа ќе биде Влатко Ѓорчев.
Листите во овој момент треба и официјално да ги потврди Централниот комитет на ВМРО-ДПМНЕ откако претходно биле усвоени од Извршниот комитет.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
