Струмица: Удрил во велосипедист па во паркиран автомобил
Во 12 часот и 40 минути во Струмица на булеварот „Ленинова“ се случила сообраќајна незгода во која возило „Форд“ со струмички регистарски ознаки, управувано од 26-годишниот Т.А. од селото Чанаклија, струмичко, удрило во велосипед управуван од 50-годишниот И.Н. од селото Добрејци и паркирано возило „Смарт“ со велешки регистарски ознаки, на 56-годишниот Б.С. од Струмица.
Во незгодата со тешки телесни повреди се здобил велосипедистот И.Н. на кој му била укажана лекарска помош во Медицински центар Струмица и бил задржан на понатамошно лекување. Увид на местото на настанот извршила екипа од полицијата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа