Претседателот Иванов во Софија се закити со титула „Почесен доктор на науки“

На свечена церемонија во Бугарската академија на науките (БАН) во Софија денеска на македонскиот претседател Ѓорге Иванов му е доделена титулата „Почесен доктор на науки“.

Доделувањето на титулата е во рамки на дводневната работна посета на Република Бугарија, каде денеска во Бугарската академија на наукитеодржа и предавање на тема „Миграциите и мигрантите: предизвици за третиот миленум“. Тој во БАН ќе се сретне и со академик Стефан Воденичаров, претседател на Академијата.

Предвидено е утре македонскиот претседател да се сретне со неговиот бугарски колега Росен Плевнелиев, како и со новоизбраниот претседател на Бугарија Румен Радев, со кои ќе разговара за севкупните билатерални односи меѓу двете земји и можностите за унапредување на билатералната и регионалната соработка.