ТРАГЕДИЈА: Почина трудница во болницата во Штип - докторите не успеале да го спасат ни детето
Дваесет и шестгодишна трудница од Штип во поодмината бременост почина во штипската Клиничка болница.
Трудницата синоќа била примена во Итната медицинска помош со симптоми на труење, односно дијареа и повраќање, а откако и е укажана лекарска помош, се вратила дома. Но, рано утринава и се влошила состојбата по што семејството ја однеле на Инфективното одделение во Клиничката болница во Штип. По направената анализа на крвта, веднаш е префрлина на Одделението за гинекологија и акушерство. Тимот од лекари процениле дека нејзината состојба е животно загрозувачка за да се транспортира во Клиничкиот центар во Скопје, по што веднаш почнале со нејзина реанимација и се обиделе да го спасат новороденчето, но обидите биле неуспешни.
Раководството на Клиничката болница го потврди случајот и најави дека во текот на утрешниот ден подетално ќе информира за смртта на 26-годишната трудница и нејзиното новороденче.
Телото е предадено на обдукција во Скопје со цел да се утврдат причините за смртта.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа